जापानको जमिनमा घर बनाउने पहिलो गुल्मेली खरेल खोलामा मृत फेला

प्रेम सुनार, गुल्मी, २०७४ साउन ३ । जापनमा ४ वटा रेस्टुरेण्टका सञ्चालक तथा जापनको जमिन नै किनेर घर बनाउने पहिलो गुल्मेली ५५ वर्षिय भिमलाल खरेल जापानकै एक खोला किनारमा मृत फेला परेका छन् । गुल्मीको चन्द्रकोट गाउँपालिका वडा नम्वर ७ , साविकको रुपाकोट–९ दम्कुवा घर भएका हिजो विहान जापानको एक खोलामा मृत फेला रिेमने जापनको प्रहरी श्रोतले जनाएको छ ।

जापानको टोकियास्थित मिनामीसेन्जु भन्ने शहरमा फुलवारी रेष्टुरेण्टका चार वटा ब्राञ्च सञ्चालन गर्दै आएका खरेल अस्ती साँझ जापनीज समय साढे आठ वजेतिर घर नजिकैको फुलवारी रेष्टुरेण्टबाट अर्को रेष्टुरेण्ट तर्फ जाँदै गरेको उनका दाजु शेषकान्त खरेलले बताए । मृतककी श्रीमति हरिकला संग फोनबाट जानकारी विलए अनुसार त्यस साँझ साढे ९ वजेतिर उनको फोन बन्द भई सकेको थियो ।

राती अवेर सम्म नभेटिए पछि विहान प्रहरीलाई सुचित गर्दै त्यहाँको एक खोला किनारमा शव फेला परेको थियो । उनको मृत्यु रहस्यम रहेको त्यहाँको सम्पर्कमा रहेका दाजु शेषकान्त घरेलले जानकारी दिए । उनले भने–‘ भाईको साथमा पैसा नभएको बुझिएको छ । अन्य परिचय खुल्ने कागज पनि उनि संग नभए पछि एक जना ग्राहकको पर्चिबाट शवको पहिचान भएको बताईएको छ । जापानको प्रहरीले सिसीटिभिको माध्यमबाट उनको रहश्यमय मृत्युको अनुसन्धान गरी रहेको जानकारी परिवारजनलाई दिएको छ । ‘यो भन्दा बढि बोल्न सक्ने अवस्थामा छैनौं हामी ।’

मुम्वईको कोठी देखि जापानको निजी महल सम्मको यात्रा २२ वर्ष अघि देखि जापानमा बस्दै आएका खरेलको त्यस अघिको मजदुरीको कथा पनि आम सामन्य परिवारका नेपाली सहरकै थियो । करिव ८ वर्ष भारतको मुम्वईमा मजदुरी गर्दा गर्दै होटललाई लाईनको काम सिकेर जापान पुगेका थिए । त्यहाँ पुगेर विभन्न मजदुरी गर्दा गर्दै खरेल पछि फुलवारी रेष्टुरेण्ट सञ्चालन गर्न थाले त्यसलाई क्रमशः बृद्धि गर्दागर्दै रेष्टुरेण्टको संख्या चर वटा पुराए । अन्ततः परिवारको दावि अनुसार जापानमा जमिन किनेर घर बनाउने पहिलो नेपालीका रुपमा ईतिहाँस रचे । परिवारको दावि वाहेक हामीले अरु जिल्लामा बुझ्न नसकेकोले उनलाई पहिलो गुल्मेली भन्न चाहेका हौं । किन कि हाल सम्म घरको तला किनेर बसेका धेरै गुल्मेली पाईए पनि जमिन किनेरै घर बनाउने उनि बाहेक अरु गुल्मेली हाम्रो जानकारीमा आएका छैनन् ।

उनका दाजु शोषकान्तकै आँकलनमा उनले एक अर्व भन्दा बढि सम्पत्ति कमाएका छन् । जापानका आलिशान महल,महङ्गा महँङ्गा गाडी शानदार चार वटा रेष्टुरेण्ट , यता चितवनको भरतपुरमा दुई वटा आलिशान महल र थुप्रै जग्गा समेत किनेका छन् । यता गुल्मीको दम्कुवामा पनि उनले प्रशस्त खेत किनेका छन र घर पनि बनाएका छन् । यि सवै जोरिएको सम्पत्ती जोड्दा २२ वर्षे जापानी यात्रामा उनले एक अर्व भन्दा बढि कमाएको पाईएको उनका दाजु शोषकान्तले बताए ।

स्वर्गिय खरेल रुपाकोट र तुराङ्गका शैक्षिक र अन्य सामाजिक क्षेत्रका सवै भन्दा ठुला दानविर भनेर चिनिदै आएका थिए । मजुवामा क्याम्पस स्थापना गर्न स्थानिय समाज सेवी जुटे । खरेलले तत्काल डेढ लाख उपलव्ध गराएर खाता खोली दिए । नभन्दै उनको छिमेक मजुवामा मानका टिकाराम बहुमुखी क्याम्पस स्थापना भएरै छाड्यो । केहि दिन अघि मात्र रुपाकोटकै दमकुवा शिवालय निर्माणका लागि उनले ५ लाख ५१ हजार सहयोग पठाएका थिए । रुपाकोटकै देवि देउराली मन्दिरमा धानयान्चल लगाउँदा पनि उनले ५१ हजार पठाएका थिए ।

साविकका तुराङ्ग र रुपकोटका शैक्षिक संस्था, धार्मिक स्थान र असायहरुलाई उनले गरेको सहयोगको यहाँ उल्लेख गरी साध्य छैन् । स्वर्गिय खरेलकी श्रीमति हरिकला , २१ वर्षिय छोरा अर्जुन र ३ छोरीहरु जापनमै रहेका छन् । उनकी आमाको मृत्यु भई सकेको छ भने ९३ वर्षिय उनका पिता यति वेला पुत्र शोकले भावविह्वल रहेका छन् । स्वर्गिय खरेल हरेक दशैं घरै मनाउन आए झै यसपालीको दशैं मान्न आएका थिए भने फेरी माग महिनामा पनि गाउँमा आएका थिए ।

अरवौं सम्पत्तिका मालिक भए पनि उनि एउटा साधरण किशान मजदुर कै हैसियतबाट एक अर्का संग प्रस्तुत हुन्थे । जताततै घर भए पनि उनले गाउँको घर र खेती किशानी बढि मन पराउँदे उनका नजिकका आफन्त अस्लेवाका अर्जुन कनौजेका अनुसार उनले केहि समय पछि आफु पनि गाउँ फर्केर व्यवसायीक कृषि पेशा गर्ने सोंचमा थिए । अँस्ती साँझ श्रीमति हरिकला संग अर्को रेष्टुरेण्टमा जान्छु र छिट्टै आउँछु भनेका खरेलले साढे ९ वजे श्रीमतिको फोन उठाउन समेत पाएनन् । जापानमा परिवारजन मात्र नभई उनलाई चिन्नेहरु विच रुवावासी चलेको र यता परिवारजनले सोधेको जवाफ दिन समेत नसक्ने अवस्थामा रहेको उनका भाई कृष्ण खरेलले बताए ।

प्रतिक्रिया दिनुहोस

कमेन्ट गर्नुहोस्

तपाईंको इमेल गोप्य राखिनेछ